Frank lernt «Winti-Dütsch»

Bildquelle: www.duden.de

Bildquelle: www.duden.de

In den letzten Jahren boomten Schweizerdeutsch Kurse. Allein an der Migros Klubschule lernten im Jahr 2013 knapp neunhundert Personen – darunter viele aus Deutschland – Schweizerdeutsch. Auch unser Leiter der Fachstelle strategisches Kundenbeziehungsmanagement, Frank Hannich, besucht am Zentrum Obertor an der Stadthausstrasse einen Schweizerdeutsch Kurs. Vor acht Jahren kam er mit seiner Familie in die Schweiz und startete seine Karriere an der ZHAW. Schweizerdeutsch verstand er bereits ziemlich gut, da er Schwäbisch spricht – einem dem Schweizerdeutsch sehr ähnlichen Dialekt. Nach wenigen Tagen konnte er problemlos unsere von Umlauten geprägte Sprache verstehen. Es vermag also zu überraschen, dass sich Frank – trotz schnellem Einleben in der Schweiz – für ein Schweizerdeutsch Kurs entschieden hat. Ich befragte ihn daher zu seiner Motivation, Schweizerdeutsch zu lernen. Es versteht sich von alleine, dass ich das Interview komplett auf Schweizerdeutsch durchführte.

Frank, was isch dini Motivation gsi, Schwiizerdütsch zlernä, obwohl Du bereits perfekt Schwiizerdütsch verschtahsch?
Ich han immer meh Schwiizerdütsch und Dütsch afange vermische. Also i mim Schriftdütsch häts vermehrt Schwiizerdütschi Wörter dine gha. Das findi nöd guet. Wänn ich beidi Sprache richtig behärrsche, dänn bechumi au weniger es Durenand (für dieses übersetzte Wort gibt es die Note 6). Und Sprache sind generell es Hobby vo mir und ich han mich gfreut, e neue Sprach z lerne.

Häsch Du Dich idemfall nöd zwunge gfühlt en Schwiizerdütsch Kurs zbsueche, wil das vode Schwiizer erwartet wird?
Nei zwunge hani mich gar nöd gfühlt. Aber ein Hintergedanke isch scho au gsi, s’Schwiizerdütsch gschäftlich azwende. Zum Bispiel imne Beratigsprojekt miteme chlinere Industrieunternehme. Ganz im Sinn vo CRM: De Kunde is Zentrum zstelle und ihn möglichscht ufem gliche Level aspräche.

Wie gseht denn so en Schueltag us i dim Schwiizerdütsch Kurs?
De Unterricht isch ufteilt i Konversation, Gramatik und Voci. Mir sind sächs Lüt us unterschiedliche Länder – Dütschland, Frankrich, Mittelamerika und Japan. Mir redet viel. Das isch super, wil im Alltag getraue ich mich noch nicht eso oder han noch nicht eso viel Möglichkeite s’Schwiizerdütsch azwende.

Was isch de gröschti Vorteil vo somne Kurs?
Bi dem Kurs, wo ich bsuechä, isch super, dass mir nur zu sechst sind. Mir chömed viel zum Rede und es gaht vorwärts. Plus: Es isch grad näbed em Büro. Ich chan also sehr bequem am Fritig über de Mittag i die Stund.

Sind all Teilnehmer ufeme ähnliche Niveau?
Nei das isch sehr unterschiidlich. Es isch recht gmischt. Es git au nöd gnueg Schüeler, dass mer mehreri Klasse chönti mache.

Wie reagieret denn dini Mitmänsche uf dis Unterfange, Schwiizerdütsch zlerne?Ambivalent… D’Mehrheit findet es super. Git aber au es Paar wo sich fröged, wieso ich das lerne. Die säged dänn, dass es ja eigentlich langed die Sprach zverschtah und mer Schwiizerdütsch nöd muess chöne rede.
Mis erschte Geschpröch uf Schwiizerdütsch hani mit em Brian (Institutsleiter IMM) gha. Er isch am Afang skeptisch gsi, aber dänn sehr erfreut und überrascht über mis fasch perfekte Schwiizerdütsch (lacht).

Super! Und Du bisch au nach wie vor überzoge vom Kurs?
Ja uf jede Fall. Ich han d’Hemmige verlore, Schwiizerdütsch zrede. Ich han die Systemathik dehinter glernt und gsehn, dass es möglich isch, die Sprach zlerne.

Zum Schluss na die entscheidendi Frag: Wele Schwiizerdütschi Dialekt wotsch am Endi vo Dim Kurs beherrsche?
Winti-Dütsch (schmunzelt).

Beschtens. Au wenn mich die letschti Antwort – als Zürcher – nöd wahnnsig freut, bin ich überrascht und begeischteret vo dine Schwiizerdütsch-Künscht und dim Wille das durezieh. Also wiiter so!

Ein Gedanke zu „Frank lernt «Winti-Dütsch»

  1. … und es gib tatsächliche eine Systematik hinter der Sprache 🙂
    bin gspant druf, di z’ghöre 🙂 villicht übeleg i mir ja au no dä kurs z’bsuche um mis chauderwälsch a chli zu ordne.

    Lieben Gruss und viel Spass bim schwiizerdütsche

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.